ក្រពើភ្នំ ឬក្រពើត្រីនៅកម្ពុជា ខណៈដែលតំបន់អាស៊ីអាគ្នេយ៍ខ្លះបានផុតពូជ

ដោយ៖ និស្សិត កំពង់ចាម​​ | ថ្ងៃអាទិត្យ ទី១៧ ខែកុម្ភៈ ឆ្នាំ២០១៩​ | ទេសចរណ៍ | 0 |
ក្រពើភ្នំ ឬក្រពើត្រីនៅកម្ពុជា ខណៈដែលតំបន់អាស៊ីអាគ្នេយ៍ខ្លះបានផុតពូជ ក្រពើភ្នំ ឬក្រពើត្រីនៅកម្ពុជា ខណៈដែលតំបន់អាស៊ីអាគ្នេយ៍ខ្លះបានផុតពូជ

កាលពីមុន​ក្រពើភ្នំ ឬក្រពើត្រី ត្រូវបានគេប្រទះឃើញនៅទូទាំងតំបន់អាស៊ីអាគ្នយ៍ ប៉ុន្តែឥឡូវនេះ វាបាន​ផុតពូជ ឬស្ទើរតែផុតពូជពីប្រទេសភាគច្រើនទៅហើយលើកលែងតែកម្ពុជានោះទេ។​

នេះគឺ​ជា​ឯក​សារ​ស្រាវជ្រាវ របស់អង្គការ​WWF Cambodia។ មិនខុសពីសត្វកម្រដ៏ទៃទៀតទេដែលIUCN អង្គការ​សហ​ភាព​​អន្តរជាតិសម្រាប់ការអភិរក្សធនធានធម្មជាតិ​ចុះបញ្ជីក្នុងបញ្ជីក្រហម​ ជាប្រភេទ​កំពុង​រង​គ្រោះ​ថ្នាក់​ជិត​ផុត​ពូជ ក៏ព្រោះតែល្មូនប្រភេទនេះ កំពុងប្រឈមទៅនឹងការគំរាមកំហែងពីការប្រមាញ់ និងការបាត់បង់​ជម្រក រួមទាំងការប្រែប្រួលអាកាសធាតុ។នៅកម្ពុជាក្រពើភ្នំ ឬក្រពើត្រីនេះ បាននិងកំពុងរស់នៅក្នុងធម្មជាតិនៃតំបន់ជួរភ្នំក្រវាញ ដែនជម្រកសត្វព្រៃ​សៀម​ប៉ាង តំបន់ទេសភាពឧទ្យានជាតិវីរជ័យ ដែនជម្រកសត្វព្រៃភ្នំព្រេច និងដែនជម្រកសត្វព្រៃទន្លេ​ស្រែពក។

តំបន់ទាំងនេះ មានសារៈសំខាន់ណាស់សម្រាប់ល្មូនកម្រទាំងនេះក្នុងការរស់នៅព្រោះថាវាមាន​អាហារសម្បូរបែបដើម្បីចិញ្ចឹមជីវិត និងការជ្រកកោណ។ ក្រពើត្រី ឬក្រពើភ្នំ ដែលត្រូវបានគេរាប់បញ្ចូលនូវ Alligators, Caimans និងgharial ជា​ប្រភេទ​សត្វ​ក្រពើ​ដែល​មានរាងតូច ដោយកំពុងប្រឈមទៅនឹងការចាប់យកមកចិញ្ចឹមក្នុងកសិដ្ឋាន និងការបង្កាត់នៅក្នុង​អាងចិញ្ចឹម។ ក្រពើឈ្មោលពេញវ័យអាចលូតលាស់បានរហូតដល់ទៅប្រវែង៣ម៉ែត្រ ហើយក្រពើពេញវ័យ​ស៊ីត្រីភាគច្រើន ប៉ុន្តែវាក៏អាចស៊ីពពួកថលផលិកសត្វ ល្មូន និងថនិកសត្វដែលមានទំហំតូចៗផងដែរ៕

ប្រភព៖khsabay.com

បញ្ចេញមតិ