ទ្រព្យមហាសាលប្រទះឃើញក្នុងក្រុងបុរាណក្រោមដី
សារព័ត៌មានបរទេសកាលពីពេលថ្មីៗកន្លងមកផ្សាយថា ថេសសាឡូ នីគី(Thessaloniki) ជាក្រុងកំពង់ផែ និងមជ្ឈមណ្ឌលពាណិជ្ជកម្មដ៏យូរលង់ជាច្រើនរយឆ្នាំរបស់ក្រិក បច្ចុប្បន្នបានក្លាយជាទីតាំងបុរាណវិទ្យាមួយ ក្រោយពីកម្មករអ្នកជីកផ្លូវរថភ្លើងក្រោមដីបានប្រទះឃើញ ។ វិទ្យាស្ថានបុរាណវិទ្យាThessaloniki ឲ្យដឹងថាក្រុងនេះបានសាងសង់នៅសតវត្សទី៦ ក្នុងសម័យចក្រពត្តិ«Justinian» ។
ក្រុងបុរាណនេះមានគ្រោងសំណង់ស្រដៀងវិហារ បានសាងសង់ឡើងនៅចុងសតវត្សទី៤ ។ នៅត្រង់បន្ទប់ងូតទឹកក្ដៅនៅក្នុងភូមិគ្រឹះនេះក៏មានចិញ្ចៀនមាសធ្លាក់នៅទីនោះ ហើយសន្និដ្ឋានថា វាជារបស់ស្ត្រីដែលភ្លេចនៅពេលងូតទឹក ។ ក្រៅពីនេះនៅមានរបាយការណ៍ស្ដីពីវត្ថុបុរាណជាច្រើនទៀតដែលជីករកឃើញនៅតាមផ្លូវរថភ្លើងខាងក្រោមដី មានដូចជា មាស ពេជ្រនៅលើផ្នូរសពជាង៥.០០០ផ្នូរ កាក់បុរាណប្រហែល៥០.០០០កាក់ ទីធ្លាថ្មភក់ចំនួន២ អាងទឹកក្ដៅទំហំ១៥ម៉ែត្រ និងវិហារគ្រឹស្តនៅក្នុងយុគសម័យដើម ។
ការរកឃើញទីតាំងបុរាណ និងកំណព្វទ្រព្យនេះ គឺជាបញ្ហាមួយបង្កនូវការកកស្ទះដល់ការសាងសង់ ព្រោះការជីកផ្លូវរថភ្លើងក្រោមដីមានគម្រោងការសាងសង់រយៈពេល១៥ឆ្នាំ ។ តាមធម្មតាបានសង់រួចរាល់នៅឆ្នាំ២០១២ ប៉ុន្តែបានអូសបន្លាយមកដល់បច្ចុប្បន្ន ហើយកំណត់ឲ្យរួចរាល់នៅឆ្នាំ២០២០ ការរក្សាទុកក្រុងបុរាណនៅក្រោមដីគឺជារឿងសំខាន់មួយរបស់ក្រិក ។
អ្នកបុរាណវិទ្យាបានបញ្ជាក់បន្តទៀតថា ក្រុងនេះគឺជាវត្ថុមួយជួយបំពេញគម្លាតផ្នែកប្រវត្តិសាស្ត្រដែលបាត់បង់របស់ក្រុងThessaloniki ៕
ប្រភព៖កោះសន្តិភាព