Jaisalmer តំបន់មានឈ្មោះល្បីល្បាញបំផុតរបស់ប្រទេសឥណ្ឌារហ័សនាមថា…

Jaisalmer ជាតំបន់មានឈ្មោះល្បីល្បាញបំផុតរបស់ប្រទេសឥណ្ឌា ដែលគេស្គាល់តាមរយៈរហ័សនាមថា “ទីក្រុងមាស” ។ Jaisalmer មានទីតាំងស្ថិតនៅភាគខាងលិចទីក្រុង Jaipurចម្ងាយ ៥៧៥គីឡូម៉ែត្រ ដែលពីមុនមកគេហៅទីក្រុងនេះថា រដ្ឋ Jaisalmer ។

ទីក្រុងស្ថិតលើខ្នងភ្នំដែលមានថ្មពណ៌ដូចមាស និងឡោមព័ទ្ធជុំវិញដោយបន្ទាយយ៉ាងច្រើន ក្នុងនោះមានទាំងវិមាន និប្រាសាទ Jain ផងដែរ ទាំងវិមាន​​ ប្រាសាទ និងបន្ទាយទាំងឡាយមានក្បូរក្បាច់រចនាយ៉ាងអស្ចារ្យ ផ្ចិតផ្ចង់ និងទាក់ទាញបំផុត។

Jaisalmer ស្ថិតនៅក្នុងតំបន់នៃមជ្ឈមណ្ឌលវាលខ្សាច់ Thar និងត្រូវបានគេចាត់ទុកជា”បេះដូងវាលខ្សាច់” ទៀតផង។Jaisalmer ត្រូវបានដាក់ឈ្មោះតាមអ្នកបង្កើត Maharawal Jaisal Singh ដែលជាស្តេចមួយអង្គមានវង្សត្រកូល Rajput ក្នុងឆ្នាំ ១១៥៦ ក្រោយគ្រិស្ដសករាជ ។

ពាក្យ “Jaisalmer” មានន័យថា” ជ្រលងបន្ទាយរបស់ Jaisal “Jaisalmer ត្រូវបានគេហៅឈ្មោះថា” ទីក្រុងមាសរបស់ឥណ្ឌា” ដោយសារតែនៅគ្រប់ទីកន្លែងគ្របដណ្តប់ដោយពណ៌មាស និងបណ្តាសំណង់ស្ថាបត្យកម្មទាំងឡាយនៅទីនេះគឺត្រូវបានគេសាងសង់ឡើងដោយថ្មមានពណ៌មាស។

Jaisalmer គឺជារដ្ឋចុងក្រោយបំផុតរបស់ប្រទេស ឥណ្ឌា ដែលបានចុះសន្ធិសញ្ញា ជាមួយ
ចក្រភពអង់គ្លេស ផងដែរ។ បណ្តាសំណង់ស្ថាបត្យកម្មដែលបង្កប់ដោយប្រវិត្តិសាស្រ្តដ៏យូរលង់ និងក្បូរក្បាច់រចនាយ៉ាង
ស្រស់ស្អាតគឺជាតំបន់ដែលទាក់ទាញបំផុតរបស់ Jaisalmer ៕

ប្រភព៖camnews.com.kh