សូមចូលរួមសោកស្តាយចំពោះការបាត់បង់លោកតាព្រឹទ្ធភិរម្យវោហាសាស្រ្ត​ ប្រាជ្ញ​ ឈួន ស្តេចចាប៉ីដងវែងដ៏ល្បីល្បាញរបស់កម្ពុជា

លោកតាព្រឹទ្ធភិរម្យវោហាសាស្រ្ត​ ប្រាជ្ញ​ ឈួន ស្តេចចាប៉ីដងវែងដ៏ល្បីល្បាញរបស់កម្ពុជា បានទទួលមរណភាពកាលពីវេលាម៉ោង​ ១និង៣០នាទី យប់​ នៅថ្ងៃ១០ កើត ខែកក្តិក ឆ្នាំច ព.ស ២៥៦២ ត្រូវនឹងថ្ងៃទី១៧​ ខែវិច្ឆិកា ឆ្នាំ២០១៨។

លោកតាព្រឹទ្ធាចារ្យ ដែលមានស្រុកកំណើតនៅក្នុង ភូមិ​ត្រពាំង​កក់ ឃុំ​ខ្វាវ ស្រុក​ទ្រាំង ខេត្តតាកែវ ទទួលមរណភាពក្នុងព្រះជន្ម ៨២ឆ្នាំ ដោយរោគាពាធ នៅឯមន្ទីរពេទ្យកាលម៉ែត្រ។

សពលោកតាព្រឹទ្ធាចារ្យ ប្រាជ្ញ ឈួន បានយកមកតម្កល់នៅសាលាធម្មសភាវត្តបទុមវតី​ សង្កាត់ចតុមុខ​ ខណ្ឌដូនពេញ​ រាជធានីភ្នំពេញ​ ដើម្បីប្រារព្ធធើ្វបុណ្យតាមប្រពៃណីព្រះពុទ្ធសាសនា។

ក្នុងនាមខ្ញុំជាកូនខ្មែរមួយរូប សូមចូលរួមសោកស្តាយចំពោះការបាត់បង់ព្រឹទ្ធាចារ្យ លោកតា ប្រាជ្ញ ឈួន ដែលជាវីរ:សិល្បករចាប៉ីដងវែងដ៏ល្បីល្បាញ និងកម្របំផុតរបស់កម្ពុជា។