ទិដ្ឋភាពនៃពិធីបុណ្យកឋិនទានរបស់ពលរដ្ឋខ្មែរនៅទឹកដីកម្ពុជាក្រោម
ទិដ្ឋភាពនៃពិធីបុណ្យកឋិនទានរបស់ពលរដ្ឋខ្មែរនៅទឹកដីកម្ពុជាក្រោម
ពិធីបុណ្យកឋិន ឬកឋិនទាន ជាពិធីបុណ្យធំមួយក្នុងព្រះពុទ្ធសាសនា។ ដោយសារតែប្រទេសកម្ពុជា ជាប្រទេសប្រកាន់យកព្រះពុទ្ធសាសនាជាគោល ទើបយើងឃើញមានប្រជាពលរដ្ឋខ្មែរគ្រប់ទិសទីបានប្រារព្ធពិធីបុណ្យមួយនេះឡើងជារៀងរាល់ឆ្នាំ។ បុណ្យកឋិន គេប្រារព្ធបន្ទាប់ពីបុណ្យចេញវស្សា និងមានរយៈពេល ២៩ថ្ងៃ ចាប់ផ្ដើមពីថ្ងៃទី១ រោច ខែអស្សុជ ដល់ថ្ងៃទី១៥ កើត ខែកក្តិក។
នៅក្នុងពិធីបុណ្យនេះ ពុទ្ធបរិស័ទចំណុះជើងវត្ត តែងនាំគ្នាប្រារព្ធពិធីបុណ្យកឋិន តាមទីអារាមក្បែរផ្ទះ ឬឆ្ងាយ និងពុំសូវមានវត្ដណាមួយ ត្រូវបានខកខានឡើយ លើកលែងតែវត្ត នៅទីដាច់ស្រយាលខ្លះ និងវត្តដែលខ្សត់ពុទ្ធបរិស័ទ។ បុណ្យកឋិនគឺជាកុសលដែលធ្វើឡើង ដោយនាំសំពត់ចីវរទៅប្រគេនព្រះសង្ឃ ដែលបានគង់ចាំវស្សាអស់ត្រីមាស។
ជាក់ស្ដែងពិធីបុណ្យនេះ ក៏ត្រូវបានពលរដ្ឋខ្មែររស់នៅលើទឹកដីកម្ពុជាក្រោម កំពុងប្រារព្វពិធីបុណ្យកឋិនទាន ដូចពលរដ្ឋខ្មែរនៅលើពិភពលោកដែរ។ ព្រះសង្ឃ និងពលរដ្ឋខ្មែរក្រោមថា ពួកគេមិនដែលខកខានប្រារព្ធពិធីបុណ្យកឋិនទានម្ដងណាឡើយ គឺដើម្បីថែរក្សាវប្បធម៌ដូនតា នៅលើទឹកដីកំណើតកម្ពុជាក្រោម។
ខាងក្រោមនេះ ជារូបភាពខ្លះ នៃពិធីបុណ្យកឋិនទានរបស់ពលរដ្ឋខ្មែរនៅខេត្តព្រះត្រពាំង ដែលយើងខ្ញុំបានដកស្រង់ចេញពីទំព័រហ្វេសប៊ុកមួយឈ្មោះថា The Indigenous Khmer-Krom Peoples in Kampuchea-Krom ។
ដូច្នេះសូមរីករាយទស្សនាទិដ្ឋភាពនៃការប្រារព្ធពិធីបុណ្យកឋិកទាននៅលើទឹកដីខ្មែរកម្ពុជាក្រោមយើងទាំងអស់គ្នា៖
