សូម​អញ្ជើញ​ចូល​រួម​ស្តាប់​បាឋកថាស្ដីអំពី ឧបករណ៍ថ្មនៅចុងយុគថ្មបំបែក ដោយសេរី!

នៅវេលាម៉ោង៩:៣០ព្រឹក ថ្ងៃព្រហស្បត្តិ៍ ទី៨ ខែវិច្ឆកា ឆ្នាំ២០១៨ ខាងមុននេះ នៅមហាវិទ្យាល័យបុរាណវិទ្យា នឹងមានរៀបចំកម្មវិធីបាឋកថាមួយក្រោមប្រធានបទ “ឧបករណ៍ថ្មនៅចុងយុគថ្មបំបែក៖ ប្រភេទឧបករណ៍, បច្ចេកទេសផលិត និងឥរិយាបថមនុស្ស”។ កម្មវិធីបាឋកថានេះ នឹងធ្វើឡើងដោយ លោក Henry Baill ជាភាសាបារាំងនិងប្រែជាភាសាខ្មែរ នៅក្នុងសាលសម្ដែង​នៃ​សាកលវិទ្យាល័យ​ភូមិន្ទវិចិត្រសិល្បៈផ្ទាល់តែម្ដង។

នៅក្នុងកម្មវិធីបាឋកថាស្ដីអំពីឧបករណ៍ថ្មនៅចុងយុគថ្មបំបែកនេះ គឺមានការចូលរួមពីនិស្សិតមហាវិទ្យាល័យបុរាណវិទ្យាគ្រប់ថ្នាក់ ហើយប្រសិនបើមានបងប្អូនទាំងឡាយណាដែលមានចំណាប់អារម្មណ៍ក៏អាចអញ្ជើញចូលរួមស្ដាប់ដោយសេរីផងដែរ។