សត្វកន្ធាយយក្ស​ដ៏កម្រ​ជិត​ផុត​ពូជ ត្រូវបានលោកឧកញ៉ា ម៉ុង ឬទ្ធី យកទៅព្រលែង ក្រោយពីសង្រ្គោះពីគ្រោះ​ចង្រៃ​ ប៉័ងតោ

ដោយ៖ ទី សារឿន​​ | ថ្ងៃចន្ទ ទី៥ ខែវិច្ឆិកា ឆ្នាំ២០១៨​ | ការងារសង្គម | 0 |
សត្វកន្ធាយយក្ស​ដ៏កម្រ​ជិត​ផុត​ពូជ ត្រូវបានលោកឧកញ៉ា ម៉ុង ឬទ្ធី យកទៅព្រលែង ក្រោយពីសង្រ្គោះពីគ្រោះ​ចង្រៃ​ ប៉័ងតោ សត្វកន្ធាយយក្ស​ដ៏កម្រ​ជិត​ផុត​ពូជ ត្រូវបានលោកឧកញ៉ា ម៉ុង ឬទ្ធី យកទៅព្រលែង ក្រោយពីសង្រ្គោះពីគ្រោះ​ចង្រៃ​ ប៉័ងតោ

កាលពីថ្ងៃ​អាទិត្យ ​ទី​០៤​ ខែវិច្ឆិកា​ ឆ្នាំ​២០១៨ លោកឧកញ៉ា ម៉ុង ឬទ្ធី បានបង្ហោះនូវរូបភាពចំនួន ១០សន្លឹក ដែលបង្ហាញពីសកម្មភាពព្រលែងសត្វកន្ធាយមួយក្បាលដែលជាប្រភេទ​ដ៏កម្រ​​និងជិត​ផុត​ពូជចូលទៅក្នុងស្រះមួយកន្លែងនៅឫទ្ធី សែនជ័យ។​ សត្វកន្ធាយមួយក្បាលដែលមានទម្ងង់ដល់ទៅ ៣៩.៥០ គីឡូក្រាមនេះ ត្រូវបានលោកឧកញ៉ាឲ្យដឹងថា វាត្រូវបានកូនប្រុសរបស់គាត់ ឈ្មោះ ​ម៉ុង​ ចាន់ថុល សុំចែកទិញពីគេក្នុងតម្លៃ ៣,៩៥០,០០០៛ ខណៈពេលដែលគេបម្រុងនឹងសម្លាប់វាដើម្បីធ្វើជាម្ហូបទៅហើយនោះ។

លោកឧកញ៉ា ម៉ុង ឬទ្ធី ដែលគេស្គាល់ជាទូទៅថាជាឧកញ៉ាចិត្តធម៌ម្នាក់នោះបានឲ្យដឹងផងដែរថា ក្រោយពីកូនប្រុសរបស់គាត់បានសង្រ្គោះសត្វកន្ធាយដ៏កម្រនេះពីគ្រោះ​ចង្រៃ​ ប៉័ងតោមក កូនប្រុសរបស់គាត់ក៏បានយកវាមកប្រគល់ជូនគាត់និងប្រពន្ធជាអ្នកចាត់ចែង។

បន្ទាប់ពីទទួលបានសត្វកន្ធាយមួយក្បាលដែលមានអាយុមិនតិចជាង ៥០ឆ្នាំនេះ គាត់និងភរិយាក៏បានឯកភាពគ្នា យកសត្វដ៏កម្រនេះទៅព្រលែងនៅក្នុងស្រះមួយ ដើម្បី​ថែ​រក្សា​ការពារ​ទុកកុំឲ្យមាន​គ្រោះ​ចង្រៃ​ ប៉័ងតោ​នេះមកតាម​យាយី​បន្ត​ទៅមុខទៀត។

ជាចុងក្រោយលោកនិងភរិយា ក៏បានផ្ញើជូននូវ​បុណ្យ​កុសលនៃការព្រលែងសត្វកន្ធាយយក្ស​នេះទៅដល់​មនុស្ស​ដែល​ចេះមានក្តីមេត្តា​ទាំងអស់គ្នាផងដែរ ។

ខាងក្រោមនេះគឺជាសំណេរដើមរបស់លោក ឧកញ៉ា ម៉ុង ឬទ្ធី៖

វេលាម៉ោង​១១ព្រឹក​ថ្លៃ​អាទិត្យ​ទី​០៤​ ខែវិច្ឆិកា​ ឆ្នាំ​២០១៨​ ដោយក្តី​មេត្តា​អាណិត​ស្រលាញ់​សត្វ​ព្រៃ​ដ៏កម្រ​ជិត​ផុត​ពូជ​ កូនប្រុស​ខ្ញុំ​ម៉ុង​ ចាន់ថុល​បានសុំ​ចែកទិញ​យក​សត្វ​កន្ធាយ​ទម្ងន់​ 39,50kg (សាមសិបប្រាំបួនគីឡូកន្លះ​)​ដែលមាន​អាយុ​កាលមិនតិចជាង៥០ឆ្នាំ​ទេមើលទៅ​ ក្នុង​តម្លៃ​ 3,950,000៛ ដែលគេបាននាំគ្នាសម្លៀង​បាំងតោ​ផ្សំគ្រឿង​សម្រាប់​ឆាក្តៅ​រួចជាស្រេច​ទៅហើយ​ ។

កូនយកមកជូនប៉ា​ ម៉ាក់យកទៅធ្វើ​អីក៏ធ្វើ​ទៅស្រេចតែចិត្ត​ខ្ញុំ​និង​ភរិយា​បានឯកភាព​គ្នា​ យកមក​ព្រលែងនៅ​ឫទ្ធី​ សែនជ័យ​ដើម្បី​ថែ​រក្សា​ការពារ​ទុកកុំអោយមាន​គ្រោះ​ចង្រៃ​ បាំងតោ​នេះមកតាម​យាយី​បន្ត​ទៅមុខទៀត​ រូប​ខ្ញុំ​នឹង​ភរិយា​សុំផ្ញើរជូន​បុណ្យ​កុសល​នេះទៅដល់​មនុស្ស​ដែល​ចេះមានក្តីមេត្តា​ទាំងអស់គ្នា​ ។

អត្ថបទដោយ៖ ទី សារឿន

បញ្ចេញមតិ
អត្ថបទទាក់ទង