ខ្មាស់គេតិចអី! បើរវល់ចុច និងសម្លឹងទូរស័ព្ទមិនដាក់ភ្នែកបែបនេះ (មានវីដេអូ)

ដោយ៖ ទី សារឿន​​ | ថ្ងៃអាទិត្យ ទី៣០ ខែកញ្ញា ឆ្នាំ២០១៨​ | កម្សាន្ត | 0 |
ខ្មាស់គេតិចអី! បើរវល់ចុច និងសម្លឹងទូរស័ព្ទមិនដាក់ភ្នែកបែបនេះ (មានវីដេអូ) ខ្មាស់គេតិចអី! បើរវល់ចុច និងសម្លឹងទូរស័ព្ទមិនដាក់ភ្នែកបែបនេះ (មានវីដេអូ)

បច្ចុប្បន្នយុវវ័យភាគច្រើនមិនថានៅប្រទេសណាមួយនោះទេ គឹមានទូរស័ព្ទស្មាតហ្វូន (smart phone) ប្រើស្ទើរគ្រប់ដៃ។ លើសពី​ស្មាតហ្វូន​ដែលមានមុខងារពិសេសៗច្រើនដូចជាកាម៉េរាសម្រាប់ថត ហ្គេមលេងកម្សាន្ត និងអាចផ្ទុកនូវឯកសារ​បានជាច្រើន​ប្រភេទ​ថែមទៀត​ផង ជាពិសេស​គឺអាច​ប្រព័ន្ធអ៊ីនធើណេតតែម្ដង។​

ការដែលអាចប្រើប្រាស់មុខងារច្រើនបែបនេះហើយ ទើបធ្វើឲ្យមនុស្សយើងចំណាយពេលច្រើនក្នុងការទំនាក់ទំនង ក៏ដូចជាកម្សាន្តតាមប្រព័ន្ធបណ្ដាញសង្គមនានាកាន់តែច្រើនឡើងៗ។

ជាក់ស្ដែងដូចនៅក្នុងវីដេអូឃ្លីបបែបកម្សាន្តមួយនេះ បានបង្ហាញនូវការភ័ន្តច្រឡំនានាដែលបណ្ដាលមកពីការរវល់តែចុចទូរស័ព្ទ និងមើល​មិន​ដាក់ភ្នែក។ ការដែលរវល់តែសម្លឹងទូរស័ព្ទបានធ្វើឲ្យមានការអង្គុយខុសកន្លែង ហូបអាហារខុសចាន និងស្រវាចាប់ដៃគូខុសមនុស្សជាដើម ដែលការច្រឡំទាំងនេះ​ពិតជាធ្វើ​ឲ្យខ្មាសគេមែនទែន។

ទោះបីជាការភ័ន្តច្រឡំដែលបង្កើតមកពីការចុចទូរស័ព្ទនៅក្នុងវីដេអូនេះ វាគ្រាន់តែជាការសម្ដែងប៉ុណ្ណោះ ប៉ុន្តែរឿងបែបនេះក៏អាចកើតមាននៅក្នុងសង្គមខាងក្រៅផងដែរ ហើយក៏អាចកើតមានរឿងប្លែកៗផ្សេងពីនេះក៏មាន។

ដូច្នេះសម្រាប់អ្នកដែលចូលចិត្តចុច និងសម្លឹងទូរស័ព្ទមិនដាក់ភ្នែក គួរតែមានការប្រុងប្រយ័ត្នផង ក្រែងមានការច្រឡំចានចំណីអាហារបែបនេះដូចគេ។

បើចង់ដឹងថា ការរវល់ចុច និងសម្លឹងទូរស័ព្ទ ហើយច្រឡំកន្លែងបែបនេះខ្មាស់គេប៉ុណ្ណា សូមរីករាយទស្សនាវីដេអូខាងក្រោមនេះ​ទាំងអស់គ្នា៖

បញ្ចេញមតិ
អត្ថបទទាក់ទង