ស្វែងយល់ពីឈ្មោះរបស់ ប្រាសាទក្រវ៉ាន់

ដោយ៖ ទី សារឿន​​ | ថ្ងៃអង្គារ ទី២៥ ខែកញ្ញា ឆ្នាំ២០១៨​ | វប្បធម៌ | 0 |
ស្វែងយល់ពីឈ្មោះរបស់ ប្រាសាទក្រវ៉ាន់ ស្វែងយល់ពីឈ្មោះរបស់ ប្រាសាទក្រវ៉ាន់

ប្រាសាទក្រវ៉ាន់មានទីតាំង ស្ថិតនៅខាងកើត ប្រាសាទអង្គរវត្ត និងខាងត្បូងប្រាសាទបន្ទាយក្តី ត្រូវបានកសាងនៅឆ្នាំ ៩២១ ក្នុងរាជ​ព្រះបាទ​ហស៌វរ្ម័នទី១ ឧទ្ទិសដល់ព្រះវិស្ណុ (ព្រះនារាយណ៍) ក្នុងព្រហ្មញ្ញសាសនា ដោយមានតួរប៉មប្រាំ បែរមុខទៅទិសខាងកើត និងមានចម្លាក់នៅលើឥដ្ឋមានលក្ខណៈល្អឥតខ្ទោះ ដែលរហូតមកដល់ពេលនេះ ចម្លាក់ឥដ្ឋទាំងនោះ​មាន​អាយុកាល​ជាង​១០០០​ឆ្នាំមកហើយ ប៉ុន្តែវានៅតែរំលេចនៅរូបភាព និងក្បូរក្បាច់ចម្លាក់ច្បាស់ៗ និងគួរឲ្យចង់គយគន់ដដែរ។

បើតាមការបញ្ជាក់របស់លោកស្រី កែវ ចន្ទបូរណ៍ បានឲ្យដឹងថា សៀវភៅបរទេសភាគច្រើន ដែលស្តាប់ពុំច្បាស់នូវ សម្ដីនៃអ្នកស្រុកដើមនិយាយ ទៅជាសរសេរថា ក្រវាញ តែតាមការពិតប្រជាជន ហៅប្រាសាទនេះថា ក្រវាន់ (អានថា ក្រវ៉ាន់) ព្រោះប្រជាជនយល់ថាក្រវាន់នេះ ជាឈ្មោះដើមឈើ ដែលសម្បូរដុះ នៅម្ដុំនោះ គឺជាឈើមួយប្រភេទមានផ្កាក្រអូបឈ្ងុយ ស្រដៀងនឹងក្លិនចេកនួនទុំ។

ប្រាសាទក្រវ៉ាន់ ត្រូវបានកាប់ឆ្ការ និងធ្វើកំណាយ ដោយបារាំង ដើម្បីជួសដុលនៅអំឡុងឆ្នាំ១៩៦០

បញ្ចេញមតិ
អត្ថបទទាក់ទង