ពិតជារំភើប! នៅពេលឃើញបទភ្លេងរបាំគ្រុឌខ្មែរយើងសម្ដែងនៅមហោស្រពសូរ្យតន្ត្រីអន្តរជាតិ (មានវីដេអូ)

នៅមហោស្រពសូរ្យតន្ត្រីអន្តរជាតិមួយ ដែលបានប្រព្រឹត្តទៅនៅសាធារណរដ្ឋកូរ៉េ (កូរ៉េខាងត្បូង) ដោយមានការ​ចូលរួម​ពី​បណ្ដា​ប្រទេស​នានា​ជុំវិញពីភពលោកចំនួន ២១ កន្លងទៅ តំណាងឲ្យកម្ពុជាយើង លោកសាស្រ្តាចារ្យ កែវ ដូរីវណ្ណ បានលើកយកបទភ្លេងមួយបទគឺ បទភ្លេងរបាំគ្រុឌ ដើម្បីសម្ដែងជូនមហាជនមកពីបណ្ដាប្រទេសផ្សេងៗ។ សម្រាប់​ការសម្ដែងនោះ គឺជាការសម្ដែងរួមគ្នា​ពីសំណាក​តន្រ្តីករ​ក្នុងចំណោមប្រទេសទាំង២១នេះផងដែរ ដោយមានការប្រើប្រាស់ឧបករណ៍ជាច្រើនប្រភេទរួមបញ្ចូលគ្នាតែម្ដង។

ប៉ុន្តែអ្វីដែលធ្វើឲ្យយើងមានមោទនភាពភាពនោះ គឺនៅក្នុងឱកាសសម្ដែងនេះគឺសិល្បករ​ទាំងអស់បានលេង​រួមគ្នានូវបទភ្លេង​របស់ខ្មែរ​យើង ដោយមានការផ្ដើមដំបូងដោយឧបករណ៍ភ្លេងបុរាណខ្មែរមួយប្រភេទដែលមានឈ្មោះថា ខ្លុយ ។

បទភ្លេងរបាំគ្រុឌ ដែលលោកសាស្រ្តាចារ្យ កែវ ដូរីវណ្ណ លើកយកសម្តែងនៅក្នុងឱកាសនោះ គឺជាស្នាដៃនិពន្ធរបស់លោកសាស្រ្តាចារ្យ កែវ សុភី ត្រូវបានប្អូនបង្កើតរបស់គាត់លោកតែម្ដង។

សូមបញ្ជាក់ផងដែរថា លោកសាស្ត្រាចារ្យ កែវ សុភី លោកសាស្ត្រាចារ្យ កែវ ដូរីវណ្ណ និងលោកសាស្រ្តាចារ្យ កែវ សុនន្ទកវី គឺជាបុត្របង្កើតរបស់ លោកតាព្រឹទ្ធាចារ្យ វិរៈសិល្បករ កែវ ស្ងួន។

យើងខ្ញុំសូមភ្ជាប់មកជាមួយអត្ថបទចម្រៀង  ៉ជនជាតិខ្មែរ  ៉ ដែលបាននិពន្ធដោយ សម្តេចព្រះសង្ឃរាជ ជួន ណាត

ជនជាតិខ្មែរកើតនៅលើដីខ្មែរ
ត្រូវការយើងថែជាតិឲ្យបានរុងរឿង
កេរ្តិ៍ឈ្មោះជាតិបានថ្កុំថ្កើង
លុះត្រាតែយើងជួយថែរក្សា។

ទោះបីខ្មែរទៅនៅប្រទេសណា
ត្រូវកុំភ្លេចថាយើងកើតពីជាតិខ្មែរ
ឲ្យបរទេសវាបង្វែរ
ឲ្យខ្មែរនិងខ្មែរបែកសាមគ្គីគ្នា។

ថ្វីបើគេហ៊ានចំណាយ
ប្រាក់ក៏ចាយហូរហៀរយ៉ាងណា
ត្រូវកុំភ្លេចជនជាតិខេមរា
រុងរឿងថ្លៃថ្លាតាំងពីបុរាណ។

កេរ្តិ៍ឈ្មោះជាតិនៅគង់វង់បានយូរ
ត្រូវតែយើងស៊ូរួបរួមគ្នាគ្រប់ប្រាណ
ខំការពារដោយក្លាហាន
ទើបជាតិយើងបានស្គាល់ក្តីរុងរឿង។

ដើម្បីជ្រាបកាន់តែច្បាស់ថា ការប្រគុំតន្ត្រីបទភ្លេងខ្មែរដោយមានការចូលរួម​ពីបណ្ដាឧបករណ៍​ភ្លេង​នៃ​ប្រទេស​ផ្សេងៗ​ជាច្រើនថាវា​មានទិដ្ឋភាព​ពិសេសបែបណានោះ សូមទស្សនាវីដេអូខាងក្រោមនេះទាំងអស់គ្នា៖