ស្ទើរទប់ទឹកភ្នែកមិនបាន នៅពេលបានស្ដាប់បណ្ដាំចុងក្រោយរបស់លោកតា​ គង្គ ប៊ុនឈឿន កវី ម្ចាស់ស្ទឹងសង្កែ (មានវីដេអូ)

ដោយ៖ ទី សារឿន​​ | ថ្ងៃអាទិត្យ ទី៩ ខែកញ្ញា ឆ្នាំ២០១៨​ | ឥស្សរជន | 0 |
ស្ទើរទប់ទឹកភ្នែកមិនបាន នៅពេលបានស្ដាប់បណ្ដាំចុងក្រោយរបស់លោកតា​ គង្គ ប៊ុនឈឿន កវី ម្ចាស់ស្ទឹងសង្កែ (មានវីដេអូ) ស្ទើរទប់ទឹកភ្នែកមិនបាន នៅពេលបានស្ដាប់បណ្ដាំចុងក្រោយរបស់លោកតា​ គង្គ ប៊ុនឈឿន កវី ម្ចាស់ស្ទឹងសង្កែ (មានវីដេអូ)

លោក គង្គ ប៊ុនឈឿន គឺ​ជា​កវី​និពន្ធ​ល្បី​ឈ្មោះ​មួយ​រូប​តាំង​ពី​ទសវត្សរ៍​ទី​៥០ ​មកម៉្លេះ ដោយលោក​មាន​ជំនាញ​ទាំង​ផ្នែក​សិល្បៈ ភាពយន្ត ជាច្រើនដូចជា ការតែងទំនុក​ច្រៀង បទ​ភ្លេង ប្រលោម​លោក ភាពយន្ត ដឹក​នាំ​រឿង ព្រម​ទាំង​ចេះ​គូរ​គំនូរ​ផង​ដែរ។ ជាក់ស្ដែង បទ​ចម្រៀង​ល្បីៗ​រួម​មាន ម្លប់​ដូង​ទី​១០ អារ​សាច់​ជូន​ម្ដាយ អនុស្សាវរីយ៍​ខ្នង​ភ្នំ​សំពៅ កូន​ស្រី​អ្នក​នេសាទ ដែល​ច្រៀង​ដោយ អ្នកស្រី រស់ សេរីសុទ្ធា និង​បទ រំដួល​ដង​ស្ទឹង​សង្កែ ច្រៀង​ដោយ​អធិរាជ​សំឡេង​មាស លោក ស៊ិន ស៊ីសាមុត ជាដើម។

លោក គង្គ ប៊ុនឈឿន បាន​ទទួល​មរណភាព​​កាល​ពី​រសៀល​ថ្ងៃ​ទី​១៧ ខែ​មេសា ឆ្នាំ​២០១៦ នៅ​ក្នុង​មន្ទីរពេទ្យ​មួយ​នៃ​ប្រទេស​ន័រវេសន៍ ក្នុង​វ័យ ៧៧​ឆ្នាំ​ ដោយ​ជំងឺ​មហា​រីក បន្ទាប់​ពី​ធ្លាក់​ខ្លួន​ឈឺ​ប្រមាណ ៣​ឆ្នាំ​ដោយសារ​ជំងឺ​មហា​រីក​តម្រង​នោម។
នៅ​ខែ​ឧសភា ឆ្នាំ​២០១៦ អដ្ឋិធាតុ​របស់​កវី​ជើង​ចាស់ គង្គ ប៊ុនឈឿន សាច់ញាតិ​នឹង​យក​ទៅ​តម្កល់​ទុក​នៅ​ក្រុង​បាត់ដំបង ដែលជា​ទឹក​ដី​ស្រុក​កំណើត​របស់​លោក​តែ​ម្ដង។

នៅ​មុន​ពេល​លោក​ទទួល​មរណភាព​នោះ លោក​បាន​ផ្ដាំ​ផ្ញើ​ឲ្យ​ពលរដ្ឋ​ខ្មែរ​គ្រប់​រូប ត្រូវ​រួបរួម​សាមគ្គី​គ្នា ហើយ​ត្រូវ​ចេះ​ស្រឡាញ់ និង​ថែរក្សា​ប្រពៃណី​វប្បធម៌​របស់​ជាតិ​ឲ្យ​បាន​គង់វង្ស៖ «យើង​ត្រូវ​តែ​រួបរួម​សាមគ្គី​គ្នា​ជា​ធ្លុង​មួយ បាន​ប្រទេស​ជាតិ​របស់​យើង​រស់នៅ​រុងរឿង​បាន ហើយ​បើ​កាលណា​បែក​បាក់​គ្នា នឹង​វិនាស​ហិនហោច​អស់​គ្មាន​ថ្ងៃ​រីក​ចម្រើន​បាន​នោះ​ទេ»។

សូមទស្សនា និងស្ដាប់នូវបណ្ដាំចុងក្រោយរបស់លោកតា​ គង្គ ប៊ុនឈឿន កវី ម្ចាស់ស្ទឹងសង្កែ ក្នុងវីដេអូឃ្លីបខាងក្រោមនេះ៖

បញ្ចេញមតិ