រូបសំណាក ព្រាបសន្តិភាព ដែលសាងសង់ឡើងពីកាកសំណល់អាវុធ
រូបសំណាក ព្រាបសន្តិភាព ដែលសាងសង់ឡើងពីកាកសំណល់អាវុធ
រូបសំណាក ព្រាបសន្តិភាព នេះមានទីតាំងស្ថិតនៅឧទ្យានសានដ័រសុន ក្បែររមណីយដ្ឋានវត្តភ្នំ ទល់មុខនឹងមន្ទីរពេទ្យគន្ធបុប្ផា រាជធានីភ្នំពេញ។
រូបសំណាកព្រាបសន្តិភាពនេះ គឺមានលក្ខណៈដូចគ្នានឹងរូបសំណាកនាគរាជសន្តិភាពមួយនៅខេត្តបាត់ដំបងផងដែរ ដោយរូបសំណាកទាំង២នេះ ត្រូវបានសាងសង់ឡើងពីកាកសំណល់អាវុធ ដែលធ្វើការប្រមូលបានពីប្រជាពលរដ្ឋ មន្រ្តីរាជការ កងកម្លាំងប្រដាប់អាវុធ និងត្រូវបានកម្ទេចក្រោយពេលបញ្ចប់សង្គ្រាមស៊ីវិលរវាងខ្មែរនិងខ្មែរ។
រូបសំណាកព្រាបពាំផ្កាឈូកនេះ គឺជាតំណាងឲ្យសុខសន្តិភាព ស្ថេរភាព និងគ្មានអំពើហឹង្សាក្នុងសង្គមខ្មែរទាំងមូល។
ចំណែករចនាបថ និងសោភ័ណភាពរបស់រូបសំណាកទាំង២នេះ គឺពិតជាគួរឲ្យកោតសរសើរ និងចាប់អារម្មណ៍ដូចគ្នា។
បើយើងពិនិត្យរូបសំណាកនេះឲ្យបានជិត យើងនឹងឃើញមានដែកចុងកាណុងកាំភ្លើងAKជាច្រើន ដែលត្រូវបានគេផ្សារភ្ជាប់គ្នា ដោយរំលេចចេញជារូបព្រាបមួយក្បាល ប្រកបដោយក្បាច់ផ្កាភ្ញីរបស់ខ្មែរយ៉ាងល្អវិចិត្រ។
