តើមានអារម្មណ៍យ៉ាងណាដែរ នៅពេលមើលវីដេអូផ្សព្វផ្សាយរបស់ថៃមួយនេះ? (មានវីដេអូ)
តើមានអារម្មណ៍យ៉ាងណាដែរ នៅពេលមើលវីដេអូផ្សព្វផ្សាយរបស់ថៃមួយនេះ? (មានវីដេអូ)
នៅក្នុងវីដេអូឃ្លីបមួយរបស់ថៃ ដែលមានថេរវេលាត្រឹមតែ ១ នាទី ១៤ វិនាទី គេបានធ្វើការបង្ហាញនូវសកម្មភាពសិក្សារៀនសូត្ររបស់យុវជនប្រុសស្រីពីទម្រង់សិល្បៈ វប្បធម៌របស់ពួកគេប្រកបដោយការការយកចិត្តទុកដាក់ ដែលនោះស្ដែងឲ្យឃើញពីការផ្ដល់ចំណេះដឹងបន្តវេនពីជំនាន់មួយទៅជំនាន់មួយទៀត ដោយមានការបង្ហាត់បង្រៀនពីសំណាកគ្រូព្រឹទ្ធាចារ្យនូវទម្រង់សិល្បៈវប្បធម៌សំខាន់ៗមួយចំនួនដូចជា ក្បាច់គុនល្បុក្ដតោ ល្ខោនខោល ល្ខោនស្រមោលស្បែកធំ និងភ្លេងរនាតឯក។ល។
មូលហេតុដែលយើងខ្ញុំលើកយកវីដេអូនេះមកចែកជូនបងប្អូនទស្សនានោះគឺ យើងខ្ញុំចង់បង្ហាញឲ្យបងប្អូន ជាពិសេសគឺយុវជនយើង បានឃើញថា យុវជនរបស់គេបានយកចិត្តទុកដាក់បែបណាចំពោះមរតកសិល្បៈរបស់គេ ទាំងការចូលរួមសិក្សាស្រាវជ្រាវ និងការចូលរួមផ្សព្វផ្សាយផងនោះ។
ដោយឡែកយុវជនរបស់យើងវិញ តើពួកគាត់បានចូលរួមកម្រិតណាហើយ ខណៈពេលដែលយើងហ៊ាននិយាយថា “មរតកវម្បធម៌ដែលថៃកំពុងតែព្យាយាមផ្សព្វផ្សាយទាំងនោះ គឺជារបស់ខ្មែរយើង” ឬក៏ស្រែកដោយមោទនភាពថា ” កម្ពុជាព្រះរាជាណាចក្រអច្ឆរិយ ដែលមានសម្បត្តិវប្បធម៌ដ៏មានតម្លៃច្រើនរាប់មិនអស់ “។
ក្រោយពីបានមើលវីដេអូនេះហើយ តើក្នុងនាមយើងជាយុវជនដែលជាម្ចាស់មរតកវប្បធម៌ដ៏មានតម្លៃជាច្រើនហ្នឹង មានអារម្មណ៍យ៉ាងណាដែរ?
