តើនៅចាំក្មួយស្រីណុច ដែលមាន​ទេពកោសល្យ​គូរ​គំនូរ​នៅ​ប្រាសាទ​ព្រះខ័ន​នេះ​ដែរ​ឬ​ទេ​?

ដោយ៖ ទី សារឿន​​ | ថ្ងៃពុធ ទី២២ ខែសីហា ឆ្នាំ២០១៨​ | ចំណេះដឹងទូទៅ | 0 |
តើនៅចាំក្មួយស្រីណុច ដែលមាន​ទេពកោសល្យ​គូរ​គំនូរ​នៅ​ប្រាសាទ​ព្រះខ័ន​នេះ​ដែរ​ឬ​ទេ​? តើនៅចាំក្មួយស្រីណុច ដែលមាន​ទេពកោសល្យ​គូរ​គំនូរ​នៅ​ប្រាសាទ​ព្រះខ័ន​នេះ​ដែរ​ឬ​ទេ​?

ក្មួយស្រី ស្រីណុច ដែលមានអាយុ៦ឆ្នាំ រូបនេះ ពិតជាមានទេពកោសល្យខាងគូរគំនូរមែនទែន។ កាលពីឆ្នាំមុនក្មួយ​ស្រីត្រូវបានមហាជន​ស្គាល់ និង​កោត​សរសើរ​យ៉ាងខ្លាំងចំពោះស្នាដៃគូរគំនូរនៅលើដី និងក្នុងសៀវភៅរបស់គេ ដែលរូបទាំង​នោះមានដូចជារូបចម្លាក់​តាម​ប្រាសាទបុរាណ រូបកូនក្រមុំស្លៀកពាក់​បែប​ប្រពៃណីខ្មែរ និងរូបសាន់ដេលេឡាជាដើម តែអ្វីដែលពិសេសជាងគេគឺរូបអប្សរាតែម្ដង។

ការចេះគូរបែបនេះ ត្រូវបានក្មួយស្រីប្រាប់ថាបានរៀនពីបងស្រីរបស់ខ្លួនបន្តិចបន្តួច បូករួមទាំងមានទេពកោសល្យពីកំណើតផង។ នៅ​ក្នុង​គ្រួសារមួយ​មាន​បង​ប្អូន​​ ៧នាក់ ដោយមានម្ដាយជាកសិករ និងឪពុកជាសន្ដិសុខ ស្រីណុចដែលទើបតែរៀនថ្នាក់ទី២ តែងតែមកគូររូបលេងនៅម្ដុំផ្លូវចូលនៃប្រាសាទព្រះខ័ន។

ក្រោយពីមានភាពល្បីល្បាញតាមរយៈបណ្ដាញសង្គម ក្មួយស្រីណុច ត្រូវបានសប្បុរសជនជាច្រើនចូលរួមឧបត្ថម្ភជាបន្តបន្ទាប់ ហើយក្មួយស្រីក៏ត្រូវបានសាលាមួយឈ្មោះថា សាលាហ្គោគ្លូប៊ល ផ្ដល់អាហារូបករណ៍សម្រាប់ការសិក្សារហូតដល់ថ្នាក់ទី១២ ផងដែរ។

អត្ថបទដោយ៖ ទី សារឿន

បញ្ចេញមតិ
អត្ថបទទាក់ទង