“អង្ករមួយគ្រាប់ A crop of rice” អាចធ្វើឲ្យអ្នកស្រក់ទឹកភ្នែកដោយមិនដឹងខ្លួន
“អង្ករមួយគ្រាប់ A crop of rice” អាចធ្វើឲ្យអ្នកស្រក់ទឹកភ្នែកដោយមិនដឹងខ្លួន
ជាទូទៅបងប្អូនដែលមានជីវភាពសមរម្យមិនសូវដែលខ្វល់ខ្វាយច្រើនពីការហូបចុកនោះទេ ជាពិសេសគឺអ្នកដែលមានជីវភាពធូរធារ ពួកគាត់ត្រូវការហូបអ្វី គឺបានហូបភ្លាម ទោះបីជាម្ហូបអាហារខ្លះមានតម្លៃកប់ពពកក៏ដោយ តែវាគ្មានបញ្ហាអ្វីនោះទេ ព្រោះនោះគឺជាតម្រូវការរបស់ពួកគាត់ និងសមត្ថភាពចំណាយរបស់ពួកគាត់។
ប៉ុន្តែអ្វីដែលយើងខ្ញុំចង់ទាញការចាប់អារម្មណ៍នោះគឺ “ការបរិភោគខ្ជះខ្ជាយ” ព្រោះបុគ្គលមួយចំនួនមានការចំណាយច្រើនលើការហូបចុកមួយពេលៗ ហើយថែមទាំងបន្សល់ទុកនៅម្ហូបអាហារចោលពាសពេញតុបាយ ដោយមិនស្ដាយសូម្បីតែបន្តិច។
ប៉ុន្តែបើយើងគិតឲ្យបានវែងឆ្ងាយ ដោយក្រឡែកមើលទៅបងប្អូនដែលមានជីវភាពទីទាល់ក្រ ជាពិសេសប្អូនៗដែលគ្មានទីជម្រកត្រឹមត្រូវ ដើរដេកតាមផ្លូវ ឬក្រោមដំបូលផ្ទះគេ កុំថាឡើយពួកគាត់បានហូបម្ហូបអាហារឆ្ងាញ់ៗ និងបាយឆ្អែតត្រឹមត្រូវដូចយើងនោះ ពេលខ្លះសូម្បីតែអង្ករមួយគ្រាប់សម្រាប់ដាំបាយហូបក៏ពួកគេមិនមានផង។
វាមិនខុសពីទិដ្ឋភាពនៅក្នុងវីដេអូអប់រំខ្លីមួយមានចំណងជើងថា “អង្ករមួយគ្រាប់ A crop of rice” របស់លោក
Tan Kimsour ដែលទើបតែផលិតឡើងនាពេលថ្មីៗនេះ។
ជាមួយវីដេអូដែលមានរយៈពេល ៦.២៨នាទី នេះ លោក Tan Kimsour ក៏បានសរសេរភ្ជាប់មកនូវសារខ្លីមួយផងដែរ ដោយលោកលើកឡើងថា “បាយម្ហូបដែលអ្នកទាំងអស់គ្នាញុំាសល់ខ្ជះខ្ជាយ ហើយគិតថាជាសម្រាមនោះ វាប្រៀបដូចជាអាហារទិព្វដែលធ្លាក់ពីលើមេឃសម្រាប់អ្នកដែលអត់ឃ្លាន។ បើអ្នកយកលុយដែលសល់ពីការញុំាខ្ជះខ្ជាយទៅចែករំលែកអ្វីម្យ៉ាងដល់ជនក្រីក្រ អ្នកអាចជួយពួកគាត់បានច្រើនណាស់។
Your waste food can be a very delicious dinner for homeless.”
បើចង់ដឹងកាន់តែច្បាស់ថា វីដេអូអប់រំខ្លីនេះមានអត្ថន័យប៉ុនណា សូមទស្សនាវីដេអូខាងក្រោមទាំងអស់គ្នា៖
